從英國語文學校見中國人營商心態

窂騷

從英國語文學校見中國人營商心態

20070924

英國語文學校突然停業，搞到大批學生同教師同聲受騙，有啲學生交咗過萬銀學費，唔知可唔可以攞返，教師就被拖久薪金。有啲學生仲話停業之前仲收緊學生，真係有商業詐騙之嫌。

自2004年，英國語文學校因為有兩項課程得到持續進修基金認可，其後生意唔錯，仲一下子由三間學校增加到六間。但好景不長，今年初(約三月)俾人除名，基金課程又佔營業額約八成，生意自然一落千丈，直2007年9月21全線突然結業。

同類事件大把，好多人都唔會感到陌生。1997年時，農場餐廳亦都係因為過度擴張後，經濟環境一轉差，就要搞到清盤。

呢啲就係中國人做生意之淺溥同無腦之處。生意再好，但係一下過度擴張會令營運成本大增，仲可能有大量負債，即係可以承受風險嘅能力大減，企業處於風雨飄之中。簡單嚟講，就係P/E比率高到唔合理。通常呢類公司喺經濟週期末或者特定外圍因素有變個時就注定可以埋單。完全唔考慮客觀經濟條件，又唔能夠喺擴張後保持商品同服務嘅筫素，搞生意大跌，呢啲就係淺薄。

無論做生意定係投資，只係見到自己可以賺到幾多，但唔考慮風險造成嘅損失同承受能力，以為自己賺到雞碎咁多就好巴閉，其實所受嘅風險大過打第三次戰世界大戰都懞然不知。呢啲就叫做無腦。

呢啲唔會係個別事件，因為大部分中國人嘅mentality係咁。成日講經驗，講歷史教訓，心存僥倖，最後又係重演歷史，呢的就係民族特性。只要中國人仲做生意，同類事件陸續有嚟。