深造中 暫停更新約一月

深造中 暫停更新約一月

通告: 聖誕假期 休刊一週

通告: 聖誕假期 休刊一週

通告: 預計明天會完成修復網絡

通告: 預計明天會完成修復網絡

通告: 網絡故障嚴重 本星期tea 20071201繼續停刊

通告: 網絡供應商的伺服器故障嚴重，預計本星期tea 20071201繼續停刊。

窂騷

20071125

浪人志係咪有內幕消息?

前星期浪人兄喺大市分析中話限制深圳居民同企業每日提款額嘅政策好快就會取消。話音剛落，2007年11月19日新聞報導中，總理溫家寶話呢個政策過於簡單，喺11月20日深圳啲銀行陸陸續續取消個政策。

有朋友同同事問我，浪人志係咪有內幕消息定係收到咩風，所以咁準。事實上，梗係唔係啦，如果我地有內幕消息一早就發咗達啦，你估我地係「數字叔」咩，話幾多萬點就幾多萬點。

其實用common sense就知呢個政府遲早摺埋啦。首先，因為深圳啲提款機週不時無錢，所以有時啲人會攞多少少，其次係好似EPS同信用咭呢類交易工具喺國內未大行其道，現金係主要嘅交易媒介，限制提款額只會令佢地日常生活極度不便。另外，有好多兩地嘅中小企業慣用現金交易，唔俾佢地攞咁多錢即係斷人米路啫，年終深港兩地經濟增長率低過預期點算﹖邊個敢負呢個責任﹖

好多人見到呢類消息於是紛紛由樂觀轉為悲觀，或者由悲觀轉為樂觀，最後先發覺中招，俾個市左一巴右一巴打到豬頭咁。佢地以為自己已經做足功課，所以判斷正確，應該無衰，但其實只係睇到表面嗰浸，仲未夠深思熟慮。

關於點樣分析市場資訊嘅方法，大家可以參下浪人兄嘅「資訊分析四步曲」，希望可以幫到大家。

要多謝浪人志?

窂騷

20071027

要多謝浪人志?

星期一(10月22日)恆指下跌近千點，人心惶惶，浪人志喺當晚出咗個號外，內容係講根據本誌啲分析並無顯示有轉勢跡象。其後有朋友因為睇咗個號外做買賣獲利(我估佢可能係買左認購輪或者炒賣同恆指同步嘅成份股)而多謝我地(浪人心仝人)。其實呢位朋友根本唔需要多謝我地，因為我地只係用數據同理分析作出判斷。投資係一種個人化的活動，投資者要點樣做決定就好視乎自己嘅的風險承受力同願[意承受風險嘅程度(即係Risk profile)，以及投資組合，更加要為自己做嘅決定負上全部責任。所以就睇完本誌而投資獲利只係閣下本事，唔洗多謝我地。同理，蝕咗錢都唔應該責怪任何人。況且當時浪人兄係受所託，完全係無插柳。

另外，有朋友同讀者話有啲文章好難明，你地嘅意見我地收到，今後會盡力寫得淺白啲，童叟皆懂。所以浪人兄今期會改寫少少技術分析101入面嘅陰陽燭。

浪人志真係咁神機妙算?

窂騷

20071006

浪人志真係咁神機妙算?

10月2日，恆指收市報28199.75點，浪人兄第二日(即係星期三)發現恆指升穿保力加通道上限就即刻通知各方好友，恆指會回吐，仲出埋「號外: 恆指己經超買，短期有回吐」通知其他讀者。因為以前我地係用肉眼睇圖，所以遲咗一日先發現，不過而家己經改良咗，喺spreadsheet度加多一行升穿或跌穿嘅提示。

有人問點解浪人志咁利害可以知道恆指有回吐。原因好簡單，我地浪人志嘅研究部eccentric research講求嘅係科學同數據，用保力加通道作為統計學假設檢定嘅參考，只有我地識咁做。可能我地見識少啦，從來未見過有人或者有書咁講過。所謂professional指嘅係power of discernment，即係洞察力同解釋力。簡單啲講，我地寧願一個字都唔寫，都唔會講啲好似「恆指短期嘅走勢要視乎個別成份股嘅表現」呢類廢話。我地唔知呢類型嘅文章係咪受歡迎，不過我地肯定會堅持到底。

另外，又有人問，恆指兩日後又反彈，咁喺星期三同星期四沽咗貨咪好傻?其實只要恆指浪升未完，就算有回吐都唔洗沽貨離場，只要沽出期指或者買入恆指認沽輪，又或者買入同恆指同步嘅股票嘅認沽輪(例如港交所同中移動)，咁咪唔洗怕沽貨之後反彈，但又可以因為回吐而獲利，呢d就係投資策略(trading strategies)。所以就算最進取嘅基金都會保留最少一成現金喺手就係咁解。



＊免責聲明：本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與浪人志及作者無涉。

從英國語文學校見中國人營商心態

窂騷

從英國語文學校見中國人營商心態

20070924

英國語文學校突然停業，搞到大批學生同教師同聲受騙，有啲學生交咗過萬銀學費，唔知可唔可以攞返，教師就被拖久薪金。有啲學生仲話停業之前仲收緊學生，真係有商業詐騙之嫌。

自2004年，英國語文學校因為有兩項課程得到持續進修基金認可，其後生意唔錯，仲一下子由三間學校增加到六間。但好景不長，今年初(約三月)俾人除名，基金課程又佔營業額約八成，生意自然一落千丈，直2007年9月21全線突然結業。

同類事件大把，好多人都唔會感到陌生。1997年時，農場餐廳亦都係因為過度擴張後，經濟環境一轉差，就要搞到清盤。

呢啲就係中國人做生意之淺溥同無腦之處。生意再好，但係一下過度擴張會令營運成本大增，仲可能有大量負債，即係可以承受風險嘅能力大減，企業處於風雨飄之中。簡單嚟講，就係P/E比率高到唔合理。通常呢類公司喺經濟週期末或者特定外圍因素有變個時就注定可以埋單。完全唔考慮客觀經濟條件，又唔能夠喺擴張後保持商品同服務嘅筫素，搞生意大跌，呢啲就係淺薄。

無論做生意定係投資，只係見到自己可以賺到幾多，但唔考慮風險造成嘅損失同承受能力，以為自己賺到雞碎咁多就好巴閉，其實所受嘅風險大過打第三次戰世界大戰都懞然不知。呢啲就叫做無腦。

呢啲唔會係個別事件，因為大部分中國人嘅mentality係咁。成日講經驗，講歷史教訓，心存僥倖，最後又係重演歷史，呢的就係民族特性。只要中國人仲做生意，同類事件陸續有嚟。

景賢里變竟然不理

景賢里變竟然不理

20070918

景賢里被拆，唔使講梗係政府失職，全因為古物及古蹟條例既保護唔到古物古蹟，又保障唔到擁有人嘅利益。景賢里變成「竟然不理」。縱使被列為古蹟，條例無限制清拆權利。更無將賠償制度化，每次都係好似打天才波，鍾意賠就賠，令到古蹟擁有人覺得無保障，亦無所適從。

本來條例嘅不足可以令政府做嘢「更有彈性」，就係因為咁，皇后碼頭先可以被拆。不過，亦係條例嘅不足，令政府有心殺賊，但無力回天，真係惡人自有惡人磨。

今日景賢里搞到咁，其實一啲都唔奇怪。大家睇下尖沙咀警署對面個古物古蹟辦事處就知，辦事處所在嘅地方係西式磚砌建築，翻新個時髹上厚厚嘅油漆。形象之醜，只可以用惡俗嚟形容。咁無品味嘅人又點會識得保育。

有啲評論員話單野搞到咁，都係啲保育人士日嘈夜嘈，搞到業權人驚政府干涉佢他嘅擁有權，於是提早清拆咁話喎。呢班人明顯唔知咩係公共財(Common goods)同無基本邏輯。

就算某樣嘢係私人財產，但如果涉及社會利益，就未必係財產擁有者可以話事。好似紫禁城咁，本來係愛新覺羅家所有，咁係唔係佢地可以收返業權用黎搞主題公園?

將責任歸咎保育人士又係無腦。舉個例，如果有個有錢佬個仔俾人綁架，綁匪要求贖金。咁佢第一時間報警，但啲綁匪知道後撕票。於是啲警察告個有錢佬誤殺，因為如果佢唔報警察，佢個仔就唔使死啦。

其實要解決呢單野一啲都唔難，既然係私產，用錢就可以解決。之後，認認真真立法保護古物古蹟同建立賠償機制，就唔會再有第二「竟然不理」。

懷念安德烈•科斯托蘭尼

懷念安德烈•科斯托蘭尼

20070913

德烈•科斯托蘭尼(André Kostolany)，於1906年2月9日在匈牙利出生，卒於1999年9月14日。他是一位著名的德國投資人，亦是《一個投機者的告白》、《證券心理學》和《金錢遊戲》的作者。在香港，俗稱他為德國股神。

浪人志研究部eccentric research根據他的走勢論理進行研究亦有所得益。他的走勢理論公式為﹕

Trend = Capital + Psychology

他認為股價的走勢是受資金的流向和市場的心理(情緒)主導。eccentric research以MMA和eccentric indicator來分別作為觀察資金(Capital)和情緒(Psychology)的工具(proxy)、並將這個走勢指標稱為Kostolany Trend Indicator。不過，最終因為不能將兩個變數量化，退而求次，只能以「+」、「-」和「Unchanged」來表示資金流入、流出和不變及市場情緒是樂觀、悲觀還是不變。結果是走勢指標並不比個別的指標(MMA和eccentric indicator)給予更多的資訊，「Sum is not greater than parts!」。不過，只要稍為改變用法，以eccentric indicator來確認股價見頂回落，以MMA來確認跌勢來尋找買入時機，效果不錯。

無論如何，研究過程中，浪人志仝人受益不淺。僅此向科斯托尼致最深的敬意。

「讀破萬卷，神交古人」。

悼念Edward M. Gramlich和巴伐洛提

悼念Edward M. Gramlich和巴伐洛堤

20070907

Edward M. Gramlich 是美國一名經濟學者，911後主持聯邦董局，力挽航空業於傾頹，死於白血病，享年68歲。巴伐洛堤(Luciano Pavarotti)則是意大利著名男高音，因胰臟癌逝世，終年71歲。他們分別於2007年9月5日和6日辭世。關於兩人生平可以參閱維基百科，本文不贅。

人類文明是由無數的有名和無名英雄建立，後人則踏著前輩的肩膊往上走。

浪人志仝人僅此向兩位哲人致哀。若要憑歌寄意的話，當選Sarah Brightman和Andrea Bocelli合唱的Time To Say Goodbye。

有線電視五十步笑百步

最近網上流傳一段有線電視報導國航機師同控制塔言語不通嘅短片，內容令人驚訝之處係中國機師同控制塔完全係雞同鴨講。不過，同樣令人驚訝嘅地方係有線電視嘅翻繹完全唔make sense。

對話中控制塔問:"Air China 9-81, have they cleared you into the ramp?"中譯係”通道清理了嗎?”兩句說話各自都可以理解，但係以翻繹黎將兩句說話串連就完全唔合理。點解” cleared you into the ramp”會譯做”清理通道”?佢地翻譯個時完全當中間嘅”you into”唔存在。英文原句係問"have they authorized you into the ramp?”即係問機師”你得到批淮降落未呀?”

喺電視台負責翻譯個d當然係失職，但係連主播都睇唔出有問題就唔可以接受。做得主播同記者，大部分都係讀傳理系，而傳理系入學要求都要中英文優良先得，但係成間電視台竟然無人發覺譯錯，真係講唔通。成段新聞係五十步笑百步。”clear”解做”authorize”因為少用，d主播唔識都唔怪你，但係中英文翻繹咁唔合理都睇唔出，就好明顯佢地係連common sense都無，只係識做讀稿機器。都唔知所謂嘅專業何在。

關於「窂騷」

關於「窂騷」

20070901

窂，囚窂。

"Why, then 'tis none to you; for there is nothing either good or bad but thinking makes it so. To me it is a prison."

-- William Shakespeare

騷，引自屈原的離騷。