要多謝浪人志?

窂騷

20071027

要多謝浪人志?

星期一(10月22日)恆指下跌近千點，人心惶惶，浪人志喺當晚出咗個號外，內容係講根據本誌啲分析並無顯示有轉勢跡象。其後有朋友因為睇咗個號外做買賣獲利(我估佢可能係買左認購輪或者炒賣同恆指同步嘅成份股)而多謝我地(浪人心仝人)。其實呢位朋友根本唔需要多謝我地，因為我地只係用數據同理分析作出判斷。投資係一種個人化的活動，投資者要點樣做決定就好視乎自己嘅的風險承受力同願[意承受風險嘅程度(即係Risk profile)，以及投資組合，更加要為自己做嘅決定負上全部責任。所以就睇完本誌而投資獲利只係閣下本事，唔洗多謝我地。同理，蝕咗錢都唔應該責怪任何人。況且當時浪人兄係受所託，完全係無插柳。

另外，有朋友同讀者話有啲文章好難明，你地嘅意見我地收到，今後會盡力寫得淺白啲，童叟皆懂。所以浪人兄今期會改寫少少技術分析101入面嘅陰陽燭。